"Үздік мектеп-2025"!
Абдолла Асылбеков атындағы жалпы білім беретін мектеп – "Үздік мектеп-2025"!
2024-2025 оқу жылының қорытындысы бойынша Нұра ауданы білім беру ұйымдарының арасындағы рейтинг нәтижесінде мектебіміз 1 орынды иеленіп, "Үздік мектеп-2025" номинациясымен марапатталды.
Бұл – барша ұжымның, атап айтқанда, ұстаздар қауымының тынымсыз еңбегі мен жоғары кәсібилігінің, сондай-ақ оқушылардың талпынысы мен табандылығының жемісі.
Мұндай жетістік – білім мен тәрбиенің үйлесім тапқандығының, бір мақсат жолында бірлесе жұмыс істей білген ұжым мен оқушылардың ауызбіршілігінің дәлелі.
Баршаңызды осы үлкен жетістікпен шын жүректен құттықтаймыз! Алдағы уақытта да биік белестерді бірге бағындыра берейік!
