"Қоғамға қызмет ету"
Абдолла Асылбеков атындағы жалпы білім беретін мектептің оқушылары Халықаралық қарттар күніне орай "Қамқор" жобасын іске асыру мақсатында "Қоғамға қызмет ету" тақырыбымен волонтерлік қызмет атқарды.
Жобаның негізгі мақсаты – оқушылардың бойында мейірімділік, жанашырлық, үлкенге құрмет көрсету сынды адамгершілік құндылықтарды қалыптастыру, сондай-ақ қарттар мен зейнеткерлерге көмек көрсету арқылы қоғамға пайда келтіру.
Іс-шара барысында оқушылар жалғыз тұратын қарттардың үйлеріне барып, аулаларын тазалап, отын жарып, үй шаруасына қолғабыс жасады. Сонымен қатар, әңгімелесіп, рухани қолдау көрсетті. Бұл оқушыларға үлкен өмірлік сабақ болып, қоғам алдындағы жауапкершілікті сезінуге мүмкіндік берді.
Осындай бастамалар арқылы оқушылардың әлеуметтік белсенділігі артып, волонтерлік қызметтің маңыздылығын терең ұғына түсуде.
