2024–2025 оқу жылының соңында балабақша бітірушілеріне және 4, 9, 11 сынып түлектеріне арналған соңғы қоңырау, қорытынды аттестаттау және басқа да мектепішілік мерекелік іс-шаралар кезінде балалар мен жасөспірімдердің қауіпсіздігін қамтамасыз ету, сондай-ақ тәрбиелік мәні жоғары әрі мазмұнды іс-шараларды ұйымдастыру мақсатында келесі талаптар мен ескертулерді сақтау міндетті:

Жалпы талаптар:

 • Іс-шаралар аясында алғыс айту сыйлықсыз немесе ақшасыз түрде, тек ризашылық сөздер мен алғыс хаттар арқылы жүзеге асырылуы тиіс.

 • Іс-шара кезінде балабақша немесе мектеп аумағынан рұқсатсыз шығуға қатаң тыйым салынады.

 • Тәрбиешілер мен сынып жетекшілері әр баланың қатысуын тізім бойынша бақылап, ата-аналармен тұрақты байланыста болуы тиіс.

 • Ұялы телефондарды мақсатсыз қолдануға, әсіресе видео түсіруге және әлеуметтік желілерге жүктеуге шектеу қойылады.

 • Іс-шара барысында әдепке және тәртіпке сай емес әрекеттерге (дауыс көтеру, рұқсатсыз сөйлеу, өз бетінше шешім қабылдау) жол берілмейді.

 • Ата-аналар тарапынан ұйымдастырылатын кез келген іс-әрекет (фото/видео түсіру, киім, декор және т.б.) міндетті түрде мекеме әкімшілігімен келісуі қажет.

Қатаң тыйым салынады:

 • 4, 9, 11 сынып оқушыларынан мектеп әкімшілігіне арналған ақша жинауға;

 • Аниматорлар, әртістер, агенттіктер мен студияларды шақыруға;

 • Білім беру ұйымдары мен мектеп әкімшілігіне сыйлық беруге;

 • Білім беру ұйымдарының жөндеу немесе тазалық жұмыстарына қаражат жинауға;

 • Отшашу, фейерверк, автокөлік шеруі сынды қауіп тудыратын іс-шараларды ұйымдастыруға;

 • Сынып ішінде дастархан жаюға немесе банкет ұйымдастыруға.

Қатаң сақталуы тиіс талаптар:

 • «Соңғы қоңырау» іс-шарасына тек оқушының заңды өкілі ғана қатыса алады;

 • Барлық білім алушыларға қауіпсіздік ережелері алдын ала таныстырылады;

 • Сынып жетекшілері іс-шара барысын үйлестіріп, тәртіп пен жауапкершіліктің сақталуын қадағалайды.

Құрметті ата-аналар!

Жоғарыда көрсетілген талаптарды назарға алып, балаларыңыздың қауіпсіздігіне және білім ордасындағы тәртіп пен ұйымдастыру деңгейіне жауапкершілікпен қарауларыңызды сұраймыз.