2023 жылдың 8 қыркүйек күні Қарағанды облысы білім басқармасының Приозерск қаласы білім бөлімінің "№1 жалпы білім беретін мектебі" КММ-нде мектеп директорының міндетін атқарушы Н.Улмаханов жалпы ата-аналар жиналысын өткізді.

   Күн тәртібінде қаралған мәселелер:
1.Жаңа оқу жылының басталуы;
а) сабақ кестесіндегі өзгерістер;
ә) мектеп формасы.
2. Құқықбұзушылық пен нашақорлықтың алдын алу мәселесі.
3. Әр түрлі мәселелер.
   Ата-аналар жиналысына Приозерск қаласының Халық банк қызметкерлері, «Қамқоршылық» кеңесінің төрағасы Т.Алшымбеков, кәмелетке толмағандар ісі жөніндегі учаскелік полиция инспекторы, лейтенант Т.Айдарбаев және қаламыздың бас имамы Д.Қожахметов қатысып, өз ақпараттарымен бөлісті. Осы орайда, мектеп инспекторы Т.Айдарбаев ата-аналарға құқықбұзушылықтың және нашақорлықтың алдын алу бойынша толық мәлімет беріп, осы тақырыптар аясында әсерлі бейнероликтер көрсетті. Ата-аналар тарапынан сұрақтар беріліп, берілген сұрақтарға нақты жауаптар алынды. Жиналыс соңында ата-аналарға оқушылардың өмірге оң көзқарасын қалыптастыратын бейнероликтер көрсетілді.