2026 жылғы 20 қаңтарда біздің балабақшамызда инклюзивті практика аясында ата-аналарға арналған консультациялық пункттің отырысы өтті. Кездесуде мейірбике Г.В. Орлова ата-аналармен балалардың денсаулығын нығайту туралы әңгімелесіп, ұсыныстар жазылған «Дәрігерсіз де денің сау болсын!» атты буклетті ұсынды. Ал спорт нұсқаушысы А.Т. Елемесова балалар мен ата-аналарға арналған «Көңілді аққалалар» атты спорттық ойын-сауық өткізді. Осы кездесуде ата-аналар балалармен бірге түрлі спорттық ойындар ойнап, жағымды әсер алды.