5 қыркүйек - Қазақстан халқы тілдері күні
5 қыркүйек - Қазақстан халқы тілдері күні. Мемлекеттік мереке біздің бөбекжайда кеңінен атап өтілді. Музыкалық зал тақырыпқа сай әсем безендірілді. Мерекенің мақсаты жас ұрпақтың бойында өз халқының да, елде тұратын басқа ұлттардың да мәдениеті мен дәстүрлеріне құрметпен қарауды қалыптастыру болды. Балалар мерекеге әр түрлі ұлт киімдерін киіп келді.
Мереке ҚР Гимнін орындаудан басталды. Балаларды құттықтауға ертегі кейіпкерлері Дымбілмес пен Матрешка келді. Олар балалармен әр түрлі тілде амандасып, «Киіз үй», «Көңілді сылдырмақ» ойындарын ойнады, жұмбақтар шешті. Бүлдіршіндер тақпақ айтып, «Менің Қазақстаным», «Достық туралы» әндерін шырқады.
Мереке балаларға көтереңкі көңіл-күй сыйлады.
