Абай күні
10 тамыз «Абай күні». Абай ұлтымыздың жазба әдебиетін қалыптастырушы, қазақтың бас ақыны ғана емес, бас ұстазы да. Абай шығармашылығы әлемдік туындылар қатарында орын алған халқымыздың баға жетпес мұрасы мен рухани азығы. Абай - ұлы ақын. Ол поэзияға жаңа өлшем, жаңа ырғақ алып келді. Абай өлеңге жаңа талап қойды және оны қалыптастырды. Абай ұлттық ойды байытты, әрі дамытты. Абай – қазақтың ұлы Абайы, жер жаһанның алыбы. Абай – ұлттың мәңгілік шамшырағы. Абай күні құтты болсын!
