Қазақстандық мектеп оқушылары мен мұғалімдері әлемдік жетістіктермен және марапаттармен танылды
Биылғы жылдың басты жетістіктерінің бірі халықаралық олимпиадаға елімізден әрбір екінші қатысушының жүлделі оралуы болды.
Ең беделді IChO халықаралық химия олимпиадасында және робототехникадан «First Global Challenge» әлем чемпионатында қазақстандық мектеп оқушылары әлемнің 190 елінің өкілдерін басып озып, екі олимпиадада үш дүркін әлем чемпионы атанды. Еліміздің ұлттық құрамасы барлығы 563 медальмен толықты, оның 77-сі алтын, 201-і күміс және 285-і қола. ТОП-7 беделді олимпиадаларда жүлделі орындарға ие болған 26 қазақ оқушысы ақшалай сыйлыққа ие болды.
Ауыл мектептері оқушыларының республикалық пәндік олимпиадасы екінші жыл қатарынан өткізілуде. Нәтижесінде жүлделі орындарға ие болған ауыл оқушыларының саны 10 есеге жуық артып, мыңдаған балаға жаңа мүмкіндіктер ашылды.
Ел тарихында тұңғыш рет екі ұстазға бірден «Қазақстанның Еңбек ері» атағы беріліп, «Алтын Жұлдыз» және «Отан» ордендері ерекше атақпен марапатталды. Бұл – Елбасының еліміздегі ұстаздар еңбегіне көрсеткен жоғары бағасы, құрметі, сенімі. Сондай-ақ, Мемлекет басшысының қолынан 27 ұстазға «Қазақстанның еңбек сіңірген ұстазы» атағы берілді. Тағы 64 мұғалім республикалық байқаудың қорытындысы бойынша «Үздік педагог» мәртебесін жеңіп алды. Барлық 93 мұғалімге 3,9 млн теңге көлемінде мемлекеттік сыйлықақы берілді.
