"Нұркен Әбдіров атындағы ТМ (РО)" КММ-нде мектепішілік пәндік онкүндікте қазақ тілі мен әдебиеті мұғалімі У.Б.Туракбаева 3"А"- сыныбында "Бала Абай" тақырыбында ашық сабақ берді. Сабақ құрылымы мен мазмұны біртұтас, кезеңдері байланысқан, білім алушылардың оқу түрткісін оята алатын тартымды да қызықты сәттерімен ерекшеленді. Мұғалім оқытудың түрлі әдіс-тәсілдерін, арнайы техника мен үлестірме материалдарды, көрнекіліктерді үйлестіре отырып орынды қолданды. Оқушыларды жоғары деңгейде ұйымдастыра білді, қазақ халқының ұлы ақыны Абай Құнанбайұлы туралы мол мағлұмат берді.Білім алушылар өз ретінде белсенділік танытты. Сабақ мақсатына жетті.