6 мамырда Қарағанды облысының білім беруді дамыту оқу-әдістемелік орталығы "Құқықтық мәдениет — тұлғаның құндылығы" ұранымен "AdalWay"үгіт бригадалары мен театр қойылымдары байқауының облыстық кезеңін өткізді. Абай ауданының атынан директордың тәрбие жөніндегі орынбасары М.Сиразетдинованың жетекшілігімен "Әділет X" "Нұркен Әбдіров атындағы ТМ (РО)" КММ командасы осы іс-шарада лайықты өнер көрсетіп, облыстың 14 командасының ішінен екінші орынды иеленді. Қазылар алқасы дайындықтың жоғары деңгейін атап өтті. Балалардың жарқын және мазмұнды сөз сөйлеуі жастар арасында құқықтық сауаттылық пен азаматтық жауапкершілікті қалыптастыруға зор үлес тигізді.