Тәңертеннен бастап мектепте ерекше атмосфера орнады, қыздар сәнді киініп, ұлдар костюмде галстук тағып осы күнді қызықты да, мазмұнды етіп көрсетуге тырысты. Күн мұғалімдерді күтіп алудан және құттықтаудан басталды. Ұстаздар қауымын құттықтау үшін орта және жоғары сыныптарынан "оқушылар коридоры" құрылды. Осы күні мектептегі тәртіп жоғары деңгейде болды. Дублер күні - бұл оқушылар нағыз мұғалімдер бола алатын күн, сабақтарды жүргізудің маңызды екендігін сезіне алады. Осы күні мектеп директоры - Турсунханов Айдар 11 сынып және директордың орынбасарлары – Көшербай Аружан 11 сынып, 10 сынып оқушысы Хамзе Анель болды. Күн қорытындысы бойынша дублер болған оқушылар әр қайсысы өз пікірлерімен бөлісті және мұғалім болу тек қана қиын емес, қызықты екен деген ортақ ойға келді.