Халықаралық зорлық-зомбылыққа қарсы 16 күн – бұл жыл сайын 25 қарашада басталып, 10 желтоқсанда аяқталатын, әйелдер мен қыз балаларға қарсы зорлық-зомбылықты жоюға бағытталған халықаралық науқан. Осы уақыт аралығында бүкіл әлем бойынша түрлі ұйымдар, мемлекеттер мен азаматтық қоғам өкілдері зорлық-зомбылықтың кез келген түріне қарсы тұру үшін бірлесіп жұмыс істейді.
Бұл науқаның негізгі мақсаты – әйелдер мен қыз балаларға қатысты зорлық-зомбылықты анықтап, оны тоқтату жолында қоғамның назарын аудару. Бұл шара әлемдегі барлық адамды зорлық-зомбылықты тоқтатуға және әйелдер мен қыз балалардың құқықтарын қорғауға шақырады.
10 желтоқсандағы Халықаралық адам құқықтары күніне дейін жалғасатын 16 күндік белсенділік, зорлық-зомбылықтың салдарын түсініп, оны жою үшін нақты іс-әрекеттер жасауға бағытталған.
Алдын алу жолдары жалпы, балалар мен жастарға зорлық-зомбылыққа қарсы құндылықтарды үйрету – бұл оларды ғана емес, тұтас қоғамды жақсартуға бағытталған қадам. Әрбір жас адам зорлық-зомбылыққа қарсы тұрып, әділдік пен тыныштықтың сақталуына үлес қосатын азамат болуға тиіс.

Зорлық-зомбылықсыз 16 күн, бұл әрқайсымыздың өз іс-әрекетімізбен қоғамға үлес қосуымызды білдіреді. Әр адамның өз құқықтары мен қадір-қасиетін сақтайтын әлем құру – біздің қолымызда.