Қазақстан Республикасының Оқу-ағарту министрлігінің Орта білім беру комитетімен және «Zerdeli» ақыл-ой дамыту орталығымен 2025 жылдың 3-сәуірі күні ұйымдастырылған “Оқу & математикалық сауаттылық: табысты синергия” республикалық сайысында Қарағанды облысының командасы ерекше табысқа жетті. Сайыс қазақ тілі, қазақ әдебиеті және математика пәндері бойынша өтті. Команда құрамына 5 қазақ тілі және 5 математика пәнінің мұғалімдері қатысты.

Республикалық байқауға Нұра ауданынан М.Жұмабаев атындағы жалпы білім беретін мектеп -гимназиясының қазақ тілі мен әдебиеті пәнінің мұғалімі Казимова Айдана Зейнуллаевна қатысқан болатын.

Қарағанды облысының командасы республикалық сайыстың барлық кезеңдерінде жоғары ұпай жинап, 3 кезеңдік сайыстың қорытындысы бойынша 17 облыстың ішінен 20 команданың арасынан I орынды иеленді.

Қатысушыларға диплом мен қатысқаны үшін сертификаттар үлестірілді .

Осы табысты нәтиже педагогтердің кәсіби білімі мен командалық рухын айқын көрсетеді.