13 қаңтар күні балалар мен жасөспірімдерге еңбек, кәсіп пен табыс туралы түсінік қалыптастыруға бағытталған ойындар мен әңгімелер өткізілді.

Алдымен «Шағын базар»және «Көкөніс дүкені» рөлдік ойындарында балалар сауда жасау негіздерін үйренді.

Кейін «Неліктен анам мен әкем таңертең кетеді?», “Жұмыс деген не?”, “Жалақы дегеніміз н?”, “Банкоматтан ақша қалай алады” сияқты сұрақтарға әңгіме жүргізілді. Әңгіме барысында балалар еңбек, жұмыс, табыс, ақша туралы талқылады.

Сондай-ақ, «Менің отбасымның мамандықтары» тақырыбында бояу беттері және «Мамандықтар» туралы дидактикалық ойындар өткізілді. Бұл бөлімдер балаларға әртүрлі мамандықтарды таныстыруға бағытталды.

Көрме ұйымдастырылып, «Менің ата-анамның кәсібі» атты фотосуреттер мен суреттер арқылы балалар ата-аналарының жұмысымен танысты.

Күн “Менің құқықтарым” тақырыбындағы дидактикалық ойындармен аяқталды, бұл балалардың өз құқықтарын түсінуіне көмектесті.