Аттестация школы
А. Асылбеков атындағы жалпы білім беретін мектебі 2025 жылы білім беру ұйымдарын мемлекеттік аттестаттаудан сәтті өтті. Аттестаттау барысында оқу орнының материалдық-техникалық базасы, оқу-тәрбие үрдісінің ұйымдастырылуы, педагог кадрлардың кәсіби құзыреттілігі, құжаттардың жүргізілуі, білім сапасы және оқу жетістіктерінің көрсеткіштері жан-жақты сарапталды. Комиссия тарапынан мектептің білім беру қызметі Қазақстан Республикасының мемлекеттік жалпыға міндетті білім беру стандарттарына толық сәйкес деп танылды.
Аттестаттаудан сәтті өту — мектеп ұжымының бірлескен еңбегінің нәтижесі. Бұл алдағы уақытта да сапалы білім беруді жалғастыруға мүмкіндік береді. Ұстаздар мен барлық қызметкерлерді осы маңызды жетістікпен шын жүректен құттықтаймыз. Әріптестерімізге жаңа белестер мен еліміздің білім беру жүйесін дамыту жолында толағай табыстар тілейміз!
