2026 жылғы 26 қаңтардан бастап Р. Асубаев атындағы ЖББМ-де мектепішілік «Ең үздік әдістемелік бірлестік» конкурсы басталады. Конкурстың мақсаты – әдістемелік бірлестіктердің жұмыс тиімділігін арттыру, педагогтердің кәсіби шеберлігін дамыту, озық педагогикалық тәжірибені анықтау және тарату. Байқау барысында әдістемелік бірлестіктердің жылдық жоспарлары, жүргізілген жұмыстары, ашық сабақтары, инновациялық әдістерді қолдану тәжірибесі мен мұғалімдердің кәсіби жетістіктері бағаланады. Конкурс педагогтердің шығармашылық белсенділігін арттыруға және білім беру сапасын жақсартуға бағытталған.