Адам үшін басты байлық – денсаулық. Себебі, адам денсаулығы мықты болғанда ғана ұзақ жасап, өзі үшін де, өзге үшін де өмір сүруге деген белсенділігі артады. Ал, денсаулықтың мықтылығына дұрыс тамақтану кепіл бола алады. Дұрыс тамақтану дегеніміз - салауатты өмір сүру. Дұрыс тамақтану арқылы өз денсаулығын нығайтуды оқушылардың бойына қалыптастыру мақсатында "№6 жалпы білім беретін мектебі" КММ-нің бастауыш сынып оқушылары арасында мектеп медбикесі "Біз - дұрыс тамақтануды қолдаймыз!» тақырыбына дәріс оқыды. Балалармен әңгімелесу барысында зиянды және пайдалы тағамдар туралы, тамақтану тәртібі туралы ақпарат берілді. Балалармен "Пайдалы өнімдер" ойыны ойнатылып, "Тамақтану ережелері" жадынамасы таратылды.