15 қазан күні Қазақстан Республикасы Төтенше жағдайлар министрлігінің 30 жылдығына орай Приозерск қаласының №15 өрт сөндіру бөлімінің бастығы, азаматтық қорғау майоры Сарсенбеков Батырхан Сарсенханович және бөлімше командирі, азаматтық қорғау старшинасы Ахмадиев Ермұхан Жамбылович мектеп оқушыларымен кездесу өткізді. Кездесу барысында өрт сөндіру қызметінің құрылымы мен қызметкерлердің күнделікті жұмысы жайлы жан-жақты мағлұмат берілді. Оқушылар мамандарға өздерін қызықтырған сұрақтарын қойып, өрт сөндірушілердің арнайы қорғаныс киімдері мен құрал-жабдықтарын киіп көру мүмкіндігіне ие болды.