Мектептің қамқоршылық кеңесі – білім беру ұйымының құрылтайшысы және білім алушылардың ата-аналары өз еркімен құрылатын, білім беру мекемесін өз қызметінің барлық бағыттары бойынша қолдау және ілгерілету үшін білім беру ұйымын ұжымдық басқару органы.
"Білім беру ұйымдарында Қамқоршылық кеңестің жұмысын ұйымдастырудың үлгілік қағидаларын және оны сайлау тәртібін бекіту туралы" Қазақстан Республикасы Білім және ғылым министрінің 2017 жылғы 27 шілдедегі No 355 бұйрығы.
https://adilet.zan.kz/kaz/docs/V1700015584
Қамқоршылық кеңес өз қызметінде Қазақстан Республикасының заңнамасын, Ережені, сондай-ақ білім беру ұйымының жарғысын басшылыққа алады.
Қамқоршылық кеңес білім беру ұйымының әкімшілігімен, ата-аналар комитетімен, жергілікті атқарушы органдармен, мүдделі ведомстволармен және басқа да ұйымдармен өзара іс-қимыл жасайды.
Қамқоршылық кеңес білім беру ұйымындағы құрылтайшының және білім алушылардың ата-аналарының бастамасы бойынша жалпы жиналыста құрылуы мүмкін.
Қамқоршылық кеңес жұмысының мақсаттары:
- * білім беруді ұйымдастыруға оның жарғылық функцияларын жүзеге асыруға жәрдемдесу;
- * білім беру оқу бағдарламаларын табысты жүзеге асыру мақсатында білім беру ұйымының студенттері мен педагогикалық ұжымына қажетті жағдай жасау;
- * білім беру ұйымының материалдық-техникалық базасын нығайту, қаржылық қолдау көрсету;
- * білім беру ұйымының одан әрі дамуына жәрдемдесу;
- * білім беру ұйымының жұмысына, оның ішінде қаржылық ресурстарды бөлуге қоғамдық бақылауды жүзеге асыру.
Қамқоршылық кеңес жұмысының негізгі бағыттары:
- * әлеуметтік-мәдени, сауықтыру және дамытушылық іс-шараларды өткізуде білім беруді ұйымдастыруға жәрдемдесу;
- * білім беру және оқыту саласындағы халықаралық ынтымақтастықты орнатуға және дамытуға жәрдемдесу;
- * халықтың әлеуметтік осал топтарынан шыққан студенттердің білім алуына, тұрмыс жағдайын жақсартуға және жұмысқа орналастыруға жәрдемдесу;
- * білім беру ұйымының қызметіндегі кемшіліктерді жоюға бағытталған ұсыныстар енгізу;
- * Қамқоршылық кеңес алдында білім беру ұйымының есебін тыңдау.
