«Қолжетімді полиция» бағдарламасын іске асыру, сондай-ақ «Заң мен тәртіп» қағидаттарын нығайту аясында
2026 жылғы 26 қаңтарда Абай ауданы ПБ-ның бастамасымен Абай ауданында оқушылардың белгілі спортшылар мен қоғам қайраткерлерімен кездесуі өтті. Іс-шара салауатты өмір салтын насихаттауға, нашақорлықтың алдын алуға және кәмелетке толмағандар арасында заңға бағынатын мінез-құлықты қалыптастыруға бағытталды.

Іс-шараға келесі қонақтар қатысты:
Жүсіпов Аблайхан Қайратұлы — Қазақстан Республикасының еңбек сіңірген спорт шебері, 2025 жылғы бокстан әлем чемпионы, Қазақстанның екі дүркін чемпионы, 2017 жылғы Азия вице-чемпионы, 2017, 2019 және 2021 жылдардағы әлем чемпионаттарының үш дүркін қола жүлдегері, сондай-ақ 2019 жылы Нұр-Сұлтан қаласында өткен Қазақстан Республикасы Президенті Кубогының чемпионы. Ол өз сөзінде спорттың тәртіп пен жауапкершілікті қалыптастырып, теріс ықпалдарға төзімділікті арттыратынын және жастарға дұрыс өмірлік таңдау жасауға көмектесетінін атап өтті.

Сондай-ақ кездесуге Рамазанов Муса Сергеевич қатысты — «Дағыстан» мәдени орталығының (жастар қанаты) төрағасының орынбасары, 2015 жылдан бастап «Боец» жекпе-жек одағының негізін қалаушы әрі жетекшісі, Қарағанды облысы бойынша практикалық ату IPSC федерациясының президенті, толық контактты қоян-қолтық ұрыс федерациясының президенті, Қазақстан Республикасының спорт шебері, 2023 жылғы қоңыр белбеулер арасында бразилиялық джиу-джитсудан әлем чемпионы. Ол белсенді азаматтық ұстанымның, заң талаптарын сақтаудың және өз болашағына саналы көзқарастың маңыздылығын атап өтті.

Өз тәжірибесімен оқушылармен Есілбаева Динара Болатовна — қоян-қолтық ұрыстан халықаралық дәрежедегі спорт шебері, қоян-қолтық ұрыстан әлем чемпионы — бөлісті. Ол спорттың мінезді шыңдаудағы, ерік-жігерді қалыптастырудағы және зиянды әдеттерге қарсы тұрудағы рөліне тоқталды.