Мәди Айымбетов Айтбенбетұлымен кездесу
Қарағанды облысы Білім қызметкерлерінің оқу-әдістемелік орталығының ұйымдастыруымен «Өнегелі өмір», «Оқуға құштар мектеп» жобалары аясында Қазақстанның дамуына үлес қосып, табысты, адал еңбек етіп жүрген білікті, білімді тұлғалармен , ақын жазушылармен кездесулер өткізіліп, рухани мазмұндағы түрлі іс-шаралар өткізілуде.
Осы орайда 2022 жылдың 17 қараша күні халықтың ыстық ықыласына бөленіп жүрген қаламгерлеріміздің өрнегі мол жырларын оқуға насихаттау, олардың өнегелі өмір жолдарын өскелең ұрпаққа өнеге тұтып, оқушылардың кітап оқуға құлшынысын арттыру, еліне, жеріне деген сүйіспеншіліктерін арттыру мақсатында Жазушылар Одағының мүшесі, І дәрежелі «Еңбек даңқы» төсбелгісінің иегері, Қазақстан Республикасының мәдениет қайраткері Мәди Айымбетов Айтбенбетұлымен кездесу ұйымдастырылды.
Ауданымыздың балалар кітапханасының қызметкерлерімен бірлесіп өткізілген іс-шараға аудандық ардагерлер кеңесінің мүшелері, білім беру саласының ардагерлері – Зарлық Мақсұтов, Танжарық Әкіжанов шақырылды.
Кездесу барысында мектеп директоры Жанкуатова К.Д. келген қонақтарға жылы лебізін білдіріп, алғысын айтты.
Кездесуге қатысқан оқушылар қадірменді қаламгеріміздің әсерлі әңгімесін аса қызығушылықпен ден қоя тыңдап, көкейлерінде көптеген сұрақтарына жауап тапқандай тамаша көңіл күймен тарқасты. Осындай тағылымды жүздесулердің оқушылардың ерте жастан бейімділігіне байланысты кәсіби мамандықты таңдап, алдағы үлкен өмірге икемделуіне серпін сыйлары сөзсіз.
