16 қыркүйек  күні Мағжан Жұмабаев атындағы ЖББМ ауласында  сенбілік өткізілді.  Мектептің ауласын  әдемі әрі жайлы орынға айналдыру  үшін,  сенбілікке мектептің  7-10 сынып оқушылары мен ұстаздары, мектеп әкімшілігі, пән мұғалімдері, техникалық қызметкерлер толығымен  ерікті  және ұйымдасқан түрде қатысты. Сенбілік кезінде мектеп оқушылары мен мұғалімдер ұжымы берілген участок жұмыстарына үлкен жауапкершілікпен қарап, мектебіміздің тазалығына өз үлестерін қосты. Мектептің аумағын санитарлық тазалау мақсатында өткізілген сенбілікте  бірқатар жұмыстар атқарылды. Іс-шара аяқталғаннан кейін , тәрбие ісінің меңгерушісі  Пшенбаева Данагул Қордабаевна  сенбілік туралы есеп құрастырды. Мұнда іс-шараға қатысқан оқушы саны, тазалау жұмысының мақсаттары мен жеткен нәтижелер көрсетілді.  «Тазалық денсаулық кепілі» , — демекші салауатты өмір салтын ұстаным дағдысымен өткізілген сенбілік еңбек мерекесіне айналды.