2 қазан М.Жұмабаев атындағы ЖББ мектебінің 5А сынып оқушылары мектеп директоры К.Д. Жанқуатовамен және кітапханашы З.Ж. Жаншинамен кездесіп, "Ұстаздар - ұлылардың ұлысы" тақырыбында сыр-сұхбат жүргізді. Оқушылар көкейлерінде жүрген алуан түрлі сұрақтарына тұшымды жауап алып, қонақтарға деген жылы лебізін әнмен, өлең жолдарымен өрнектеді. Ыстық ықыласқа риза болған ұлықты ұстаздар балалардың болашағынан зор үміт күтетіндерін айтып, оларға ақ батасын берді. Оқушыларға ұстаздың еңбегін бағалап, тұлғасын құрметтеуді үйрету мақсатында өткізілген шара соңыңда қонақтар мен балалар естелік суретке түсті.