2026 жылдың 20 қаңтарында 6 «А» сыныбында «Айнымалысы модуль таңбасының ішінде берілген сызықтық теңдеулер» тақырыбы бойынша екінші сабақ өтті. Сабақ басында оқушылар жасанды интеллект (ЖИ) көмегімен құрылған сайт арқылы үш «ауылға» бөлініп, өз басшыларын сайлады.

Үй тапсырмасы Genially платформасындағы «Пазл ашу» ойынымен тексерілді. Пазл шешілгенде оқушылар академик Орымбек Жәутіковтың тұлғасымен танысты. Мұғалім тақырыпты тереңдетіп түсіндірген соң, оқушылар жұптық тапсырмалар орындап, «Гексагон» әдісі арқылы топтық жұмыста өз шешімдерін қорғап шықты.

Сабақтың ең қызықты сәті ЖИ сайтында ұйымдастырылған топ басшыларының «Аламан бәйгесі» болды. Оқушылардың жетістіктері «ат жарысы» формасындағы цифрлық бағалаумен қорытындыланды. Белсенді қатысушыларға тәттілер үлестіріліп, сабақ соңында интерактивті рефлексия жүргізілді. Заманауи технологиялар мен ұлттық құндылықтар ұштасқан сабақ оқушылардың пәнге деген ынтасын арттырды.
Пән мұғалімі:Хамидулла Ж.Ж.