Аудандық оқ ату сайысы
Ұлы Жеңістің 79 жылдығына және Ауғанстаннан әскерлердің шығарылуының 35 жылдығына, Қазақстан Республикасының Қарулы Күштерінің құрылғанына 32 жыл толуына орай Нұра ауданының мектептері арасында әскери оқ ату сайысы Қарой ЖББ мектебінде ұйымдастырылды. Сайысқа аудан мектептерінің арасыннан іріктелген Р.Асубаев атындағы ЖББМ,М.Сүлейменов атындағы тірек мектебі (РО), Ы.Алтынсарин атындағы тірек мектебі (РО), Қарақойын ЖББМ және Жараспай ЖББМ командалар қатысты.
Сайыстың ашылу салтанатында Аудандық білім бөлімінің әдістемелік кабинетінің әдіскері Биргебаев Бейімбет Курушевич пен мектеп директоры Туякова Нурсулу Болатовна сөз алып, сайысқа қатысушыларға сәттілік тілеп, жарыстың ашық екенін хабарлады. Жарыстың ашылуы барысында мектеп оқушыларының шағын мерекелік өнерлерін тамашалады. Сонымен қатар педагог-психолог Искендір Ақнұр Нұрдәулетқызының ұйымдастыруымен психологиялық тренинг өткізілді.
Оқ ату сайысы үш тәсіл негізінде өткізілді. Біріншісі тұрып нысана көздеу, екінші отырып нысана көздеу, үшінші жатып нысана көздеу бойынша командалар өз мергендіктерін сынады. Сайыстың комиссия мүшелерінің қорытынды есебімен III орынды М.Сүлейменов атындағы ЖББМ, II орынды Р.Асубаев атындағы ЖББМ, I орынды Қарақойын ЖББМ командалары иеленді.
