2025 жылдың 13 мамырында мектебіміздің математика пәнінің мұғалімі Фаррахова Жумагуль Мукановна Теміртау қаласының ұстаздарына арналған «Математикалық сауаттылық практикумы» авторлық бағдарламасы аясында шеберлік сынып өткізді. Іс-шараның мақсаты – педагогтарды инновациялық тәсілдерді оқыту үдерісіне енгізуге шабыттандыру, табысты тәжірибелер мен тиімді әдістемелерді таныстырып, талқылау арқылы тәжірибе алмасу алаңын қалыптастыру. Шеберлік сынып барысында қатысушылар авторлық әдістемемен жан-жақты танысып, практикалық тапсырмаларды орындады.  Іс-шараның практикалық бөлімінде мұғалім математикалық сауаттылыққа арналған есептерді тиімді шешу жолдарын, цифрлық ресурстарды қолдану тәсілдерін, сондай-ақ нәтижелерді тексеру әдістерін ұсынды. Іс-шара ZOOM платформасы арқылы   өтті.  Бұл шеберлік сынып педагогтердің кәсіби даму деңгейін арттыруға бағытталған нәтижелі тәжірибе алаңы болды.