20 қазанда ұстаздардың қатысуымен “Тұмар” қыздар ұйымының “Кел, сырласайық!” атты кездесуі өтті. Кездесудің мақсаты: қыздар арасындағы достық қарым-қатынасты нығайту, өмірге деген көзқарастарын кеңейту, өз қадірін түсіне білуге тәрбиелеу. Осындай сырласу сәттерінде бір-біріне жылы сөздерін айтып, өмірлік кеңес алады. Қыз баланың бойындағы ең асыл қасиеттер - инабаттылық, ұяңдық, кішіпейілділік, адамгершілік пен әр-ұят. Сол себепті әрбір ару осы қасиеттерді өмірлік ұстаным етіп, өз абыройын сақтап, әдемілік пен нәзіктіктің нышаны болып қала білуі тиіс. “Кел, сырласайық...” - жай ғана кездесу емес, бұл - өз жүрегіңді тыңдау, өзіңді түсіну, бір-біріне жылы сөз айту арқылы рухани байи түсу мүмкіндігі.