Қарой жалпы білім беретін мектебінде білім беру нысандарын жаңғырту және оқушыларға қолайлы жағдай жасау мақсатында бейімдеу бағдарламасы аясында келісімшартқа сәйкес 26 мамырда  жөндеу жұмыстары басталды. Бұл бастама – мектеп инфрақұрылымын жаңарту мен оқу үдерісін заманауи талаптарға сәйкестендіруге бағытталған маңызды қадам.Жөндеу жұмыстары барысымен Нұра ауданы білім бөлімінің басшысы Такишев Д.Ж. танысып өтті.Бейімдеу бағдарламасының басты бағыты – инклюзивті білім беру ортасын қалыптастыру. Осыған байланысты мектепте мүмкіндігі шектеулі балаларға қолайлы жағдай жасау үшін пандустар, арнайы жабдықталған санитарлық тораптар және қауіпсіз жүріп-тұруға арналған белгілер орнатылуда.Сонымен қатар, оқу кабинеттерінің де есіктері    жаңартылуда.Қарой жалпы білім беретін мектебіндегі бұл өзгерістер – ауыл мектебінің жаңа серпінмен дамуына жол ашатын, болашақ ұрпақ үшін сапалы білім мен қауіпсіз орта қалыптастыруға бағытталған маңызды қадам.