Балабақшада барлық топтарға  көне дәстүр сабақтастығының белгісі саналатын, ұлттық мәдениетіміздің қайта түлеген Наурыз мерекесі өтті. Мерекелік іс-шарада балабақша тәрбиеленушілері наурыз туралы би билеп, өлең оқып, ән айтты. Мерекеге әжелер мен Қыдыр ата келіп, қазақ халқының ұлттық ойындарын  ойнатып, «Бесікке салу», «Тұсау кесу» дәстүрлерін көрсетті. «Айгөлек» тобының тәрбиеленушілері «Сұлу қыз» әнін шырқап, «Оркестр әні» атты ұлттық аспаптарда ойнап, өз өнерлерін көрсетті. Мерекеде   Қыдыр ата Ұлыстың ұлы күніне батасын берді. Әжелер бауырсақ таратып, шашу шашты.